Greinargerð og tillögur vinnuhóps um meistaranám í hljóðfæra- og söngkennslu, 15. janúar 2010
Rektor Listaháskólans, Hjálmar H. Ragnarsson, skipaði þann 21. september 2009 þriggja manna vinnuhóp til að gera tillögur um námsbraut á meistarastigi í hljóðfæra- og söngkennslu við skólann. Í skipunarbréfi er tekið fram að hópnum sé ætlað að leggja fram tillögur um skipulag og samsetningu námsins þar sem m.a. væri gefin skýr mynd af eftirfarandi þáttum:
- Tegund náms
- Markmiðum og tilgangi náms
- Megináherslum námsbrautar
- Áætlaðri samsetningu og bakgrunni nemenda
- Þætti rannsókna og listsköpunar
- Helstu viðmiðum námsbrautarinnar
- Alþjóðlegum samanburði og stöðu
- Samstarfi við aðra háskóla og stofnanir, hér heima og erlendis
- Inntökuferli
- Þörf fyrir húsnæði, búnað og tæki
Þá var hópnum ætlað að leggja fram drög að kennsluskrá brautarinnar með lýsingum á helstu námskeiðum.
Vinnhópurinn skilaði inn greinargerð sinni 15. janúar 2010, og hefur hún verið kynnt fyrir stjórn Listaháskólans og stjórnendum.
Í hópnum voru þau dr. Nína Margrét Grímsdóttir, píanóleikari, sem var formaður hópsins, Sigrún Grendal Jóhannesdóttir, píanóleikari og formaður Félags tónlistarskólakennara, og Kjartan Óskarsson, klarínettuleikari og skólastjóri Tónlistarskólans í Reykjavík.