Í tónlistardeild er boðið þriggja ára nám, 180 einingar, til B.Mus og B.A. gráðu. Annars vegar er lögð meginháhersla á hljóðfæraleik og söng, en hins vegar á almennt sérhæft tónlistarnám í menntun og miðlun, kirkjutónlist og tónsmíðum með áherslu á nútímatónsmíðar, kvikmyndatónlist, leikhústónlist, upptökustjórn eða nýmiðlun.

Einnig er í boði diplómanám ætlað sérstaklega hæfileikaríkum nemendum sem enn stunda almennt nám á framhaldsskólastigi, en standast kröfur skólans um kunnáttu og færni í tónlist.

Á meistarastigi er boðið tveggja ára, 120 eininga nám í tónsmíðum til M.A.-gráðu. Auk þess er í undirbúningi samevrópskt meistarnám sem er samstarfsverkefni 5 tónlistarháskóla í Evrópu. Listaháskólinn stefnir að því að hefja rekstur samevrópsku meistaranámsbrautarinnar haustið 2010.

Hlutverk tónlistardeildar er að mennta tónlistarmenn og undirbúa þá fyrir störf í tónlist á breiðum grundvelli. Markmiðið er að þeir tileinki sér sjálfstæð vinnubrögð, auki við þekkingu sína og færni og rækti sjálfa sig sem sjálfstæða listamenn.

Námið skal standast alþjóðlegar kröfur og taka mið af fjölbreyttum verkefnum tónlistarmanna í tónlistarflutningi, nýsköpun og við kennslu. Útskrifaðir nemendur tónlistardeildar eiga að vera afl sem auðgar samfélagið.

Deildarforseti: Mist Þorkelsdóttir

Prófessorar
Tónsmíðar og tónfræði: Kjartan Ólafsson
Kammertónlist og strengjaleikur: Gunnar Kvaran

Fagstjórar
Söngur: Elísabet Erlingsdóttir
Píanó: Peter Maté
Tónsmíðar og tónfræði: Kjartan Ólafsson
Strengjaleikur og kammertónlist: Gunnar Kvaran

Umsjón með samevrópsku meistaranámi: Sigurður Halldórsson

Tæknistjóri: Sveinn Kjartansson

Deildarfulltrúi: Sóley Björt Guðmundsdóttir

Þjónustufulltrúi: Albert Eiríksson